Oprichting Boerebroelof


Ad Gubbels

Men zoot d’r maar mèt oppe Ruiver en in Óffebèk Vastelaovensdinsdaag is ein groeëte laegte! Dao mós get aan gedaon waere.

Op eine aaijerwetse kaaije aovend kwame buurtbesjtuurders van Óffebèk op 21 fibberwarie 1963 same bie-ein in Kefee Kinjer Killaars óm ein Broelofsvereiniging op te richte. Op 26 fibberwarie 1963 waas ’t al zoe wieët en haaj Óffebèk zien Boerebroelof.

Dreeske Ottenheim

De veurgängers ware:

Ad Gubbels, Jeuke Ottenheim, Sef Sijbers
Leike Theunissen jr. en Dreeske Ottenheim.

Veurtvarend as se waare haaje ze ouch al  ’t ierste Boerebroedspaar namelik: Frits en Nel Boonen-Franssen.
D’r waerde ein paar wages oppe Óffebèkkermert gesjtalt veur ’t broedsgebeure en dao nao resepsie bie Kefee Kinjer Killaars!

Frits en Nel Boonen

Op vandaag is d’r ein waek veur de Vastelaovend boerebal. Den kump ’t nieje Broedspaar oet. ’t sjeije van ’t aaje broedspaar is al op de vriedig dao veur.

Karakteristiek is natuurlik d’n hood! waor ónger oet ’t nieje broedspaar teveursjien kump terwiel idderein den oet volle bors zingk: “Óffebèk blief Óffebèk”

Dees traditie besjeit nag sjteeds! De trouwerie is op vastelaovesdinsdaag in Cafe-Zaal de Paerssjtal. ’t Broedspaar waert door diverse gezelsjappe aafgehaold wao ónger de boerebroelof, de Prins en Raod van ellef, de JeugPrins of Prinses, ’t Aadwief, Bacchus en de ABO (Aad Broedspare Óffebèk) en ’t Fluiterkorps, de Harmonie en versjillende Joekskappele. ’t Ganse gezelsjap waert door de veldwachter “gesjtuurd”.

In Kefee de Paerssjtal volgt den de trouwerie ónger leiding van de ambtenares, de Prins en de Burgemeister van Offebék höbbe natuurlik ouch heur toesjtumming te gaeve. Dao nao volgt ein groeëte receptie met de nuuëdige bloodwors, krintemik en huidvleis woe ein idder de gelaegeheid krieg ’t Broedspaar & getuge te felisitere.

En zo ging det vreuger!


Jan Verstappen

Thies Lies en Benny

Boeremoos mit wors

foto 2

Foto 1

Je moet inloggen om een reactie te kunnen plaatsen.