2016 Jeugboerebroedspaar Marijn Hermans en Ivan Schoolmeesters

6e Jeug Boerebroedspaar

Ivan Schoolmeesters en Marijn Hermans

Óffebèk, 30 jannewari 2016

PBF_2315

In Café Zaal “de Paerssjtal” kwaam op zaoterdig 30 jannewari 2016 ’t 6e Kinjer Boerebroedspaar van Ruiver-Óffebèk op de klanke van häör eige kinjerversie van “Óffebèk blief Óffebèk” ónger de hoeëge Hood oet.

Veur presentere uch ‘t Kinjer- broedspaar 2016  Ivan Schoolmeesters en Marijn Hermans

’T Bruudje: Marijn is de dochter van Colette en Patrick Hermans.

9 jaor en ein paar maondj geleje is ’t gebaore, en maakt sinds dae tied de Keulsewaeg ónveilig.

Dit duit ’t same met zien 2 breurkes; Tristan van 7 jaor en de kleine Ilja van 3 jaor. Tristan en Ilja zien broedskinjer bie Marijn en Ivan.

Marijn geit gaer nao sjoel, en waal nao groep 6 bie juffrouw Sylvia oppe Meander.

Marijn häör hobbies zien judo, Jong Nederland, gitaar sjpele en natuurlik Vastelaovend viere.

Al sinds zien gebaorte duit ’t mèt de kinjeroptoch mei. Vörrig jaor wón ’t de Rammele Jan same met zien breurkes en nichtje. In de groeëte optoch löp ’t meistal as bördjes drager veur ziene pap.

Ouch helt Marijn van zinge en optraeje tiedes de vastelaovend. Al met 5 jaor sjting ’t veur ’t iërs op de bühne van de kinjerzitting óm te zinge. Sinds 3 jaor duit Marijn ouch mei met de blageliedjes middig wao ’t aafgeloupe oktoeëber de 2e plaats wis te behaole. Verder haet ’t dit jaor veur de 2e kiër in de finale moge sjtaon van ’t KVL en met succes want Marijn haet dao de 3e plaats behaold.

 

De Broedegom: Ivan is gebaore op 25 april 2006.

Hae is de zoon van ‘t boerebroedspaar 2005 Eric en Wendy Schoolmeesters

Breurke van Mika Schoolmeesters jeugdprins VV Reuver 2014.

Kleinzoon van Hein van Pier van de Matter oet Óffenbèk en Mien van Hebbes Giel oet Kessel.

Kleinzoon van Jeu van Karel van Theunissen Heinke oet Óffenbèk en Nel van Pietje van Baer van de Joet oet Belvend.

‘t Vastelaovesblood zit bie häör in de femilie.

Sinds mei 2008 woeëne ze op de houfsjtraot van Óffenbèk, de keulseweg !!!!

Lid van Jong Nederland, en Handjbalklöp HV Hercules 81.

Lierling van groep 6 van basissjoel de Meander.

Ivan völt ziene vrieje tied gaer op mit handjballe, voetballe en game!!!!!

Ivan haet ouch twieje kiepe, Truuij en Bear en eine dwergpapegaai Bowie en een dwergtekkel, Fred !!!!

Ouch is Ivan fan van Feijenoord, Roda JC en Fortuna Sittard.

Zien favoriete handjbalklöp is Bevo HC. 

As getuge van ’t Jeug Boerebroedspaar 2016 sjtelle veur uch veur:

Ryan Janssen en Indy Huberts

Getuge Indy: is 9 jaor en gebaore op 10 oktoeëber 2006 thoes op de Hubert Ummelsstraat 12 in Óffenbèk.

Indy is de dochter van Nic Huberts en Wendy Peeters.

Indy haet ein breurke en dae het Yuri Huberts.

Alle 4 Ruiverse luuj net zoe as de res van de femilie.

As hobby duit ’t gaer paerd rieje en zien favoriete sjport is tennis.

Indy is ouch lid van Jong Nederland.

Same mit ’t bruudje Marijn en getuge Ryan zit ’t in groep 6a van basissjoel

de Meander bie juf Sylvia.

Indy haet óntzettend väöl zin in de vastelaovend, alaaf!!!!!

Getuge Ryan: zoon van Roel Janssen oet’t Ruivers veld en Ellen Janssen-Nissen oet Belvend aan de maas.

Gebaore in de heite zomer van 2006.

Kleinzoon van Theike van Janssen wao hae de voetbalbein van haet ge-órve.

Woeënt oppe sjportlaan doen bie de voetbal vereiniging wao Opa Thei meinig belke haet weggetrap, en wao hae zelf daag en nach te vinje is met zien vriendjes.

Aan de baetere kantj woeënachtig van de Ruiver: ‘t  Boeremoosriek Óffebèk!!

Leefste groeëte broor van Lieke wao hae thoes dök de boel mei op sjelte zet en veural same pap en mam opjutte is ziene groeëtste hobby.

Ryan zit met de angere getuge en ‘t bruudje aan dezelfde taofel in de klas, dit is erg lestig ómdet ze alle 3 ein groeët geheim mei móste drage de aafgelaupe waeke.

Ouch al zit Ivan in ein angere klas ze zeen nog sjteets beste vrunj.

Same waert d’r nao sjoel meinig belke op ‘t sjportveld weggetrap.

Maar is ‘t vies waer den zitte de menkes baove te sjpele mit de lego of op de ipad en waert d’r veural väöl gelache.

Det haope veur mit de vasteloavend zeker ouch te doon dus laot die daag noe maar gauw kómme!!

Alaaf!! veur zien der klaor veur…

Button 6,2

Names de jeug Broedspare-kemissie Astrid Simons, Marlie Janssen en Erik Schoolmeesters wille veur uch van herte oetnuuëdige óm nao de Boerebroelof optoch te kómme kieke op Vastelaoves dinsdig 9 fibberwari en aansjloetend óm 15.00 oer de vrunjsjapbelofte bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang bie de Sjakel wao veur V.V. de Windjbuujels welkom heite in ‘t Boererieëk. Vervólges gaon veur via de Broeklaan nao de Sint Annasjtraot, Indusjriesjtraot, St. Theresiasjtraot nao de Prins Claussjtraot wao veur ’t Boerebroedspaar en Jeugboerebroedspaar ophaole.  Via de Keulsewaeg gaon veur truuk nao ós residentie Café Zaal De Paerssjtal.

Names de Boerebroelof Ruiver-Óffebèk winse veur idderein ‘nne sjoeëne en veural gezellige Vastelaovend!