2016 Broedspaar Maarten en Laura Franssen-Franzen

54e Boerebroedspaar Maarten en Laura Franssen-Franzen

Óffebèk, 30 jannewari 2016

In ós residentie Café Zaal De Paerssjtal kwaam op 30 jannewari 2016 óm 22 oer 11 ′t nieje Boerebroedspaar Maarten en Laura Franssen-Franzen op de klanke van “Óffebèk blief Óffebèk” ónger de tradisionele hood oet.

Bruidspaar

‘T Bruudje: Laura is gebaore op vastelaoves-dinsdig op 6 miert 1984 in ’t ziekehoes van Venlo en opgegreujd oppe hei in Tegele. Dao woeënde ’t same met zien elders John Franzen en Miriam Schuyren en zien zuske en breurke.

Later zien ze verhoes nao Tegele-Noord woe ’t de res van zien jeug doorbrach.

As kleindochter van opa Pucky en oma Truus Schuyren en oma Nelly en opa Frans Franzen (sirremoniemeister van de Beerpiep) waas Laura al ens jeugprinses van basissjoel de Mulbeek in 1996.

Vastelaovend viere zit dus waal in ‘t blood.

As hobby duit Laura aan zumba, danse en laeze.

De Broedegom: Maarten is gebaore op 6 Fibberwarie 1986 in ’t ziekehoes van Remunj.

Maarten is de zoon van Coen en Carla Franssen ‘t 46e  broedspaar oet Óffebèk.

Bie pap (Coen van Baer van Keun en Mien van Sjtalin) en

mam (Carla van Cor van Drienkes Piet oet ’t beesels geitesjtraötje en Sjeng van de

zjwarte Kessels oet Zjwame).

Oppe Óffebaekermert is hae opgegreujd same met zien zus en breurke.

Maarten is werkzaam as ZZP-er en haet zien eige hoveniersbedrief oppe Ruiver mer den waal

aan de Óffebèkse kantj van ‘t sjpaor.

Ouch is hae lid van HSV De Forel oppe Ruiver.

Net wie Laura is Maarten ‘nne echte vastelaovesvierder.

Same woeëne ze oppe Prins Claussjtraot in Óffebèk en höbbe veer kinjer. Same met Jayden (6 jaor), Vince (4 jaor), Carly (3 jaor) en Féline (1 jaor) gaon ze dit jaor veurop met de vastelaovend as Boerebroedspaar 2016.

As getuge sjtelle veur uch veur:

Guus Muisers, zoon van Jos en Claartje Muissers (boerebroedspaar in 1989 en getuge in 2008) en Melissa van den Boorn.

Button 6,2

Names de Broedspare-kemissie Astrid Simons, Marlie Janssen en Erik Schoolmeesters wille veur uch van herte oetnuuëdige óm nao de Boerebroelof optoch te kómme kieke op Vastelaoves dinsdig 9 fibberwari en aansjloetend óm 15.00 oer de trouwerie bie te woeëne in ós residentie Café Zaal De Paerssjtal.  De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang bie de Sjakel wao veur V.V. de Windjbuujels welkom heite in ‘t Boererieëk. Vervólges gaon veur via de Broeklaan nao de Sint Annasjtraot, Indusjriesjtraot, St. Theresiasjtraot nao de Prins Claussjtraot wao veur ’t Boerebroedspaar en Jeugboerebroedspaar ophaole.  Via de Keulsewaeg gaon veur truuk nao ós residentie Café Zaal De Paerssjtal.

Names de Boerebroelof Ruiver-Óffebèk winse veur idderein ‘nne sjoeëne en veural gezellige Vastelaovend!