2015 Jeugboerebroedspaar Jort Bremmers en Jitske Linssen

5e Jeugboerebroedspaar Jort Bremmers en Jitske Linssen

Óffebèk, 7 fibberwari 2015

KBB 2015

In Café Zaal “de Paerssjtal” kwaam op zaoterdig 7 fibberwari 2015 ’t 5e Jeugboerebroedspaar van Ruiver-Óffebèk op de klanke van häör eige kinjerversie van “Óffebèk blief Óffebèk” ónger de hoeëge Hood oet. Veur presentere uch ‘t Jeugboerebroedspaar 2015  Jort Bremmers en Jitske Linssen

’T Bruudje: Jitske is de dochter van Roy en Dana Linssen, is 9 jaor en “groeët” gewaore oppe Parklaan in ’t Windjbuujelriek.

Jitske haet 1 zuske en det is Pieke, Pieke is 6 jaor en broedsmaedje bie Jort en Jitske.

Jitske zit op de basissjoeël Bösdaal in groep 6 bie meneer Har.

Häör hobbies zien gitaar sjpele, volleyballe bie Revoc en toniel sjpele bie de tonielvereinining Reuver en natuurlik vastelaovend viere.

Jitske haet same mit Lissy en Anne mei gedaon aan de blageliedjesmiddig as de LaLaLadies en vurrig jaor höbbe se in de finale van ’t KVL gesjtaon.

 

 

De Broedegom: Jort is de zoon van Paul Bremmers en Ilse Crompvoets is 8 jaor en “groeët” gewaore in de Ruiverse windj oppe Leewerveltwaeg.

Jort haet twieje zuskes, Lissy (10 jaor) en is getuge van Jort en Jitske en Fiene (5 jaor) en is broedsmaedje.

Jort zit op de basissjoeël Bösdaal in groep 5 bie juffrouw Jenny.

Zien hobbies: sjtoere handjballer van de F2 bie HV Hercules ’81, gek op raussen in de bös as Lambaerke bie Scouting Lambertus en is ouch gek op vastelaovend viere.

Jort is de trotse winnaar van de Rammele Jan tiedes de kinjeroptoch 2014 same mit Lissy, Fiene, Jitske, Pieke, Lotte en Anne.

As getuge van ’t Jeugboerebroedspaar 2015 sjtelle veur uch veur:

Lissy Bremmers en Anne van Heugten

 

Getuge Lissy: is de dochter van Paul Bremmers en Ilse Crompvoets is 10 jaor en “groeët” gewaore in de Ruiverse windj oppe Leewerveltwaeg.

Lissy is de groeëte zus van broedegom Jort en Broedsmaedje Fiene.

Lissy zit op de basissjoeël Bösdaal in groep 7 bie meneer Guus.

De hobbies van Lissy zien volleyballe bie Revoc en sjtoere gids bie Scouting Lambertus, is ouch gek op vastelaovend viere en haet vurrig jaor mit de LaLaLadies in de finale gesjtaon op ’t KVL.

Getuge Anne: is de dochter van Marc van Heugten en Monique van Buggenum is 10 jaor en woeënt oppe Leewerveltwaeg.

Anne is de groeëte zus van Lotte.

Anne zit op de basissjoeël Bösdaal.

De hobbies van Anne zien volleyballe bie Revoc en is kebouter bie Scouting Lambertus, is ouch gek op vastelaovend viere en haet vurrig jaor mit de LaLaLadies in de finale gesjtaon op ’t KVL.

Gezelschap KBB

 


Names ‘t Jeugbroedsparekemissie Astrid Simons en Marlie Janssen wille veur uch van herte oetnuuëdige óm nao de Boerebroelof optoch te kómme kieke op Vastelaoves dinsdig 17 fibberwari en aansjloetend óm 15.00 oer de vrunjsjapbelofte bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang bie de Sjakel wao veur V.V. de Windjbuujels welkom heite in ‘t Boererieëk. Vervólges via de Broeklaan nao de Óffebeker Bemde wao veur ’t Broedspaar en jeug boerebroedspaar ophaole en dao nao via de Broeklaan en Sint Annasjtraot truuk nao ós residentie Café Zaal De Paerssjtal. Names de Boerebroelof Ruiver-Óffebèk winse veur idderein ‘nne sjoeëne en veural gezellige Vastelaovend!

Je moet inloggen om een reactie te kunnen plaatsen.