2015 Broedspaar Richard en Dorianne Bremmers-Peeters

53e Boerebroedspaar Richard en Dorianne Bremmers-Peeters

Óffebèk, 7 fibberwari 2015

bb 2015

In ós residentie Café Zaal De Paerssjtal kwaam op 7 fibberwari 2015 óm 22 oer 11 ′t nieje Boerebroedspaar Richard en Dorianne Bremmers-Peeters op de klanke van “Óffebèk blief Óffebèk” ónger de tradisionele hood oet.

‘T Bruudje: Dorianne is 39 jaor jóngk en gebaore in venraoij in ‘t ziekehoes en opgegreujd in Well.

Dochter van ‘t 1e boerebroedspaar in Well (1975).

Dorianne is de dochter van Ton Peeters en Thea Rutten (Thea van Sniejers Grada oet Wanssum en van Rutte Piet oet ’t Luuëke en Ton, geboare op Ronckensjtein in Óffebèk, van Pieëters   Sef oet  Bree en  van  Lies van Heeskens oet de Bong in Baolder)

Dorianne is werkzaam as sikkretaresse in ;t ziekehoes van Remunj, duit aan Zumba same mit getuge Wendy en Anja.

Dorianne is ‘nne vastelaovesvierder in hert en neere.

De Broedegom: Richard is 42 jaor jóngk en gebaore in ’t ziekehoes in Tegele en opgegreujd in Óffebèk en ein klein bietje oppe Ruiver.

Richard is de zoon van Gos Bremmers en Marianne Hoezen (Marianne van Toos en Herm Hoezen van de Sjpar en  Gos van Bremmers Joeën).

Richard is werkzaam as zzp-er mit Lef en Daadkracht, oftewel eine makelaer in opleide, liere en ontwikkele.

Hae is ouch lid van TC Ruiver en teves vereniging competitie leider van dees club.

Net wie Dorianne is Richard ‘nne echte vastelaovesvierder.

Richard en Dorianne zien de trotse elders van  Liselot (9 jaor) en Maurits (7 jaor).

Same woeëne se oppe Óffenbeker Bemde in Óffebèk.

As getuge sjtelle veur uch veur:

Wendy en Eric Schoolmeesters-Theunissen (boerebroedspaar 2005), Kinjer Mika en Ivan

Anja en William Peulen-Crins (boerebroedspaar 2006), Kinjer Sjuul en Lis

BB gezelschap Offenbeek knip


Names de Broedspare-kemissie  Astrid Simons, Bianca Paar en Erik Schoolmeesters wille veur uch van herte oetnuuëdige óm nao de Boerebroelof optoch te kómme kieke op Vastelaoves dinsdaag 17 fibberwari en aansjloetend óm 15.00 oer de trouwerie bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang bie de Sjakel wao veur V.V. de Windjbuujels welkom heite in ‘t Boererieëk. Vervólges via de Broeklaan nao de Óffebeker Bemde wao veur ’t Broedspaar en jeug boerebroedspaar ophaole en dao nao via de Broeklaan en Sint Annasjtraot truuk nao ós residentie Café Zaal De Paerssjtal. Names de Boerebroelof Ruiver-Óffebèk winse veur idderein ‘nne sjoeëne en veural gezellige Vastelaovend!

Je moet inloggen om een reactie te kunnen plaatsen.