2014 Jeugboerebroedspaar Jill Ummenthum en Jordy Straatman

4e Jeugboerebroedspaar Jill Ummenthum & Jordy Straatman

Óffebèk, 22 fibberwari 2014

Thumb_Jill-en-Jordy-BB-2014In Café Zaal “de Paerssjtal” kwaam op zaoterdig 22 fibberwari 2014 ’t 4e Jeugboerebroedspaar van Ruiver-Óffebèk op de klanke van häör eige kinjerversie van “Óffebèk blief Óffebèk” ónger de hoeëge Hood oet. Veur presentere uch ‘t Jeugboerebroedspaar 2014  Jill Ummenthum & Jordy Straatman

’T Bruudje:
Jill is de dochter van Mat en Esther Ummenthum-Verheijden en de groeëte zus van Flo.

De Broedegom:
Jordy is de zoon van Johan en Bianca Straatman-Houx en de broor van Kevin.

Thumb_Jill-en-Jordy-BB-2014met-getuigen

As getuge van ‘t Broedspaar 2014
sjtelle we uch veur:

Daniëlle Peeters & Lars Sonnemans

Same höbbe ze eine hiele groeëte hobby en dèt is paerdrieje. Jill en Daniëlle höbbe same dezelfde hobby’s en ziem lid van Jong Nederland Óffebèk. Jordy is ‘nne echte boete sjpeler en haet ouch al zien eige boerderie met kiepkès, veugelkès ’n verkskè en ziene allesie pony Jesse. Same met Lars sjpele ze väöl same, Lars is ouch eine fanatieke voetballer bie VV Ruiver.

Names ‘t Jeugbroedsparekemissie Miek van Willick, Astrid Simons en Marlie Janssen wille veur uch van herte oetnuüedige óm nao de Boerebroelof optoch te kómme kieke op Vastelaoves dinsdig 4 mieërt en aansjloetend om 15.00 oer de trouwerie bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang wao veur V.V. de Windjbuujels welkom heite in ’t Boererieëk. Vervólges via de Keulsewaeg truuk richting Mariasjtraot, Bergerhaofwaeg, Sint Annasjtraot truuk nao ós residentie Café Zaal De Paerssjtal.

Names de Boerebroelof winse veur idderein ‘nn sjoeëne te gekke en veural gezellige Vastelaovend!

Je moet inloggen om een reactie te kunnen plaatsen.