2013 Jeugboerebroedspaar Karlijn de Raaij en Stan v.d. Ven

Kinjer BB-2013 Karlijn en Stan
In Café Zaal “de Paerssjtal” kwaam op zaoterdig 2 fibberwari 2013 ’t derde Jeugboerebroedspaar van Ruiver-Óffebèk op de klanke van häör eige kinjerversie van “Óffebèk blief Óffebèk” ónger de hoeëge Hood oet. Veur presentere uch ‘t Jeugboerebroedspaar 2013: Karlijn de Raaij & Stan v/d Ven

’T Bruudje:
Karlijn is de dochter van Michael en Cariene de Raaij en zus van Thijs.

De Broedegom:
Stan is de zoon van André en Sindy v/d Ven

Alle veer zien ze zeer fanatieke sjporters in o.a. Voetballe, vollyballe, Judo en Tennis. As hobby höbbe ze de Souting, Zjwumme, Gamen, Creatief bezig zien, Kaoke en Bakke. Stan en Gijs maake ouch deil oet van de Raod van 11 bie Jong Nederland Óffebèk.

As getuge van ‘t Broedspaar 2013
sjtelle we uch veur:

Fleur Pollen en Gijs Serpenti

Thumb_KinjerBB-2013 Karlijn en Stan en getuigen

Names ‘t Jeugbroedsparekemissie Miek van Willick, Astrid Simons en Marlie Janssen wille veur uch van herte oetnuüedige om nao de Boerebroelof optoch te kómme kieke op Vastelaoves dinsdaag 12 fibberwari en aansjloetend om 15.00 oer de trouwerie bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting sjpaorwaegeuvergang wao veur V.V. de Windjbuujels welkom heite in ’t Boererieëk. Vervólges via de Keulsewaeg truuk richting Sjportlaan, Amerlosesjtraot, Eikenlaan, Meidoornlaan, Lindelaan, Sint Jozefwaeg, Óffebèkkermert, Pater Claretstjraot, Keulsewaeg truuk nao ós residentie Café Zaal De Paerssjtal.

Names de Boerebroelof winse veur idderein ‘nn sjoeëne te gekke en gezellige Vastelaovend!

Je moet inloggen om een reactie te kunnen plaatsen.