2012 Broedspaar Marc en Miranda Blomen

Marc & Miranda Blomen-DorssersÓffebèk, 11 fibberwari 2012

In eine bomvolle zaal van ós residentie Café Zaal De Paerssjtal kwaam op 11 fibberwari 2012 om 22 oer 11’t nieje Broedspaar Miranda & Marc Blomen-Dorssers op de klanke van “Óffebèk blief Óffebèk” ónger de tradisionele hood oet.

‘T Bruudje:
Miranda is 37 jaor jonk en gebaore op ’t Hazekamp. Miranda is de dochter van Piet Dorssers en Mariet Bongers, Opa Jeu Dorssers van de Pannesjop en Oma Annie Slabbers oet Zjwame, Opa Jac Bongers oet Kessel em Maria Peulen. Miranda verdeend al 8 jaor de kôs oppe broeëd aafdeiling bie de Phicoop in Kessel. De hobby’s van Miranda zien; Wanjele, winkele, vakansie, reize en zinge.

De Broedegom:
Marc is 38 jaor jonk en is gebaore in ’t ziekehoes in Tegele en opgegreujd op de Vinkesjtraot oppe Ruiver. Marc is de zoon van Gosweien Blomen en Petra van de Heuvel. Marc is al mieër as 15 jaor in deens bie MGG Giesen (de Gies) in Tegele as logistiek Account manager. Marc zien hobby’s zien; Zjwumme, op ziene MTB fietse en sjteigerhoute meubels make.

Ze zien in 1999 getrouwd en in 2002 trotse papa en mama gewaore van eine twie-ling Zoë en Joëlle. Same woeëne ze oppe Dokter Nolenssjtraot 1 in Óffebèk.

img-Miranda-Marc-en-Getuuge

As getuge sjtelle we uch veur:

Ron en Marlie Janssen-Paar
Kinjer Steve & Tara

Marcel en Willy van Aarssen-Rutten
Kinjer Kay & Vanity

Names de Broedspare-kemissie Pierre van Willick en Nellie van Willick wille veur uch van herte oetnuüedige óm nao de Boerebroelof optoch te komme kieke op Vastelaoves dinsdaag 21 fibberwari en aansjloetend om 15.00 oer de trouwerie bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting St.Theresiasjtraot, Dokter Nolenssjtraot, Sint Annasjtraot, Industriesjtraot, Mariasjtraot, Keulsewaeg truuk nao ós residentie Café Zaal De Paerssjtal.

Names de Boerebroelof winse veur idderein ‘nn sjoeëne te gekke en gezellige Vastelaovend!

Je moet inloggen om een reactie te kunnen plaatsen.