2011 Broedspaar Frank en Kirsten Selen

In eine bomvolle zaal van ós residentie Café Zaal De Paerssjtal kwaam op 26 fibberwari 2011 om 22 oer 11′t nieje Broedspaar Frank en Kirsten Selen op de klanke van “Óffebèk blief Óffebèk” ónger de tradisionele hood oet.

‘T Bruudje:

Kirsten is de dochter van Peter en Marga Gubbels-Rycerz en zus van Rick. Kirsten is 23 jaor jónk en in ’t dageliks laeve persuuënlik begeleidster van miense mit ein versjtandjelikke beperking en maatsjappelik werkster bie Stichting PSW. Dao naeve is ze lid van Jong Nederland en sjport se bie Fit4Lady opp Ruiver. Verder winkelt se gaer en vindj ’t gezellig óm same bie-ein te zien mit häör vriendinne.

De Broedegom:

Frank is 33 jaor jónk en is in ’t dageliks laeve verwermingsmonteur en dao naeve voetbalt hae as middevelder in ’t 6e elftal van VV-Ruiver, Frank is ouch lid van Jong Nederland. Frank is thoes ouch hiel sjportief mit de Wii.

As getuge sjtelle veur uch veur:

Jack en Doris Selen, John en Francien Selen en Rick Gubbels.

Broedspaar Offenbeek 2011 Kirstin en Frank-2

Names de Broedspare-kemissie Wies Bongers en Erik Schoolmeesters wille veur uch van herte oetnuüedige óm nao de Boerebroelof optoch te kómme kieke op Vastelaoves dinsdaag 8 mieërt en aansjloetend om 15.00 oer de trouwerie bie te woeëne in ós residentie Café Zaal De Paerssjtal.

Names de Boerebroelof winse veur idderein ‘nn sjoeëne te gekke en gezellige Vastelaovend!